Sumakabilang-buhay na ang isa sa mga unang mga sumikat na vlogger sa Pilipinas na si Lloyd Cafe Cadena. Sinimulan ni Lloyd ang kanyang channel noong 2010, at inatampok sa kanyang channel ay pagun-unboxing, cooking, at challenge video.
Sa official Facebook page ni Lloyd Cafe Cadena, kinumpirma ang pagpanaw ni Lloyd, ngunit hindi idinetalye ang naging sanhi ng kanyang maagang pamamaalam.
Sa Instagram story ni DJ Gandang Kara, na naging katrabaho ni Lloyd sa Love Radio, nag-post ito ng pagdadalamhati para sa yumaong social media influencer.
“I love you so much and I will miss you forever. Dito na muna kita mahahalikan at mayayakap sa bulaklak na binigay mo,” saad ni Kara habang hawak ang flowers na binigay ni Lloyd.
Naging emosyonal din ang si Macoy Dubs na isa din influencer nang kumpirmahin nito ang balita na pumanaw na nga ang vlogger na si Cadena.
